4 апрельста Саранскяйса, А.С.Пушкинонь лемса Культурань и ваймамань паркса, тифтольхть итокт «Пернатый квартал» республиканскяй конкурсти. Сон лемтьфоль нармонень Международнай шити и ётафтовсь 7 февральста сявомок и 22 мартти молемс. Конкурсть аноклазе и ётафтозе Мордовиянь Государственнай Собраниясь «Известия Мордовии» газетать и «Зелёный мир» идень экологическяй организациять ширень кирдемаснон вельде.
Итокне тифтольхть 8 номинациятнень коряс. Жюрись кочкась 40 сяськи и призёр. Сембе синь получасть казнет Мордовиянь Государственнай Собраниять Председателенц Владимир Чибиркинонь, депутаттнень Кузьма Самолькинонь, Александр Атласовонь, Алексей Федьковонь, Василий Бабайкинонь, Виктор Рубцовонь и Виктор Ташкинонь эзда.
Сяськихнень и призёрхнень поздравляндазь и казсть казнет и Диплопт Госсобраниять Председателенц заместителец Евгений Тюрин, депутатсь Алексей Федьков, «Зелёный мир» ДЭО-ть руководителец Ольга Ручина, «Известия Мордовии» газетать главнай редакторонц заместителец Татьяна Налётова.
Владимир НЕСТЕРОВ.