МР-нь велень хозяйствань и продовольствиянь министркс кемокстаф Антон Илюшкин

Мордовия Республикань Оцюнять Указонц мархта МР-нь велень хозяйствань и продовольствиянь министркс кемокстаф Антон Илюшкин.
Антон Валерьевич шачсь 1988 кизоня Саранскяйса. 2010 кизоня шумордазе Н.П.Огарёвонь лемса Мордовскяй государственнай университетть «Промышленное и гражданское строительство» специальностьс коре.
Трудовой кинц ушедозе «Агрофирма «Норов» ОАО-са строителькс, меле оцюняль строительнай отделса и 2013 кизоня арась агрофирмать генеральнай директоронцты коммерциять коряс заместителькс. 2014 кизоста сявомок 2016 кизоти молемс покодсь Кочкуровскяй муниципальнай райононь Семилейскяй велень поселенияса руководителькс.
2016 кизоста сявомок 2017 кизоти молемс работась Мордовия Республикань Велень хозяйствань и продовольствиянь министерстваса—экономическяй анализонь, прогнозированиянь, целевой программань и трудонь мотивациянь отделонь начальниконь заместителькс и хозяйствованиять ёмла форманзон касомаснон-виияфтомаснон отделонь начальникокс.
2018 кизоста сявомок 2023 кизоти молемс—«Мясной край» велень хозяйствань потребительскяй перерабатывающай кооперативонь председателель.
2023 кизонь 31 августста сявомок—Мордовия Республикань велень хозяйствань и продовольствиянь министр.