Восточнай календарьс коре 2024 кизось—Сянгяря Шуфтонь Дракононь киза.
Мифическяй тя животнайсь канды власть, честь, удалама и сатфкст. Дракоттнень лувондсазь кеме талисманкс.
Восточнай гороскопс коре эрь кизось сотнеф вете элементста фкять мархта: зрнять, ведть, шуфтть, толть или модать. 2024 кизось—шуфтонь Дракононь киза. Китайса сон лувондови касомань, сатфксонь и вииямань шуфтокс и архтф сянгяря тюсса. Восточнай культураса сон няфни сетьмошить лангс.
Драконць—кемгафтува животнайхнень эзда ветецесь, кона лувондови инь виикс. Тянь колга ули эсь лацонь легенда.
Юй-ди императорсь арьсесь ётафтомс животнайхнень ёткса ласькома, штоба содамс зодиаконь знакнень молемаснон. Аф ичкозе финишть эзда Драконць няйсь коське шуфта. Сон лоткась ваксозонза, штоба анамс пизем и араламс вачеда ломаттнень. Сяльде няйсь нинге фкя шуфта—тоса, меколанкт, пяк ламоль ведьта, и Драконць лоткась сянкса, штоба симомс марнек ведть. Малаткшнемок ни финишти, сон няезе кода Врьгазсь ласьки Кроликть мельге и нолдазе улеть инголи. И сась аньцек ветецекс—Крьсать, Букать, Тиграть и Куднумолть мельге.
Кинди удалай тя
кизоня
Кизонь фкя правилась—кемамс эстейть, путомс инголет цельхть и сатомс синь. И мяляфтома, што визьксшись кяжияфтсы Драконть, а теенза ули кода няфтемс прянц аф аньцек ляпе ваймокс, но и пельксокс лиятненди.
Драконць тиенди афкуксонь чудат, сяс аф пелезь ушедода стама тев, конань колга кунара арьседе.
Мезе анокламс
Арьсемок од кизонь менють колга, кочкада стама блюдат, конат няфнихть шумбрашить, павазть и панчфокс панжемать лангс. Од кизонь шра лангса улест рисонь пярякат. Тя цебярь казне мала ломаттненди.
Мезе каземс
Китайса кемайхть, што оцю удалама канды ярмак мархта якстерь конвертсь. А нинге ули кой: казендемс мала ломаттненди панчфт, фруктат и конфетат.
мезьса васьфтемс Дракононь кизоть
Од кизоть сяда пара васьфтемс зрнянь, сиянь и уле тюсонь щамса. Именна ня тюсне кандыхть паваз и удалама.
Аф ваномок сянь лангс, што 2024 кизось—Сянгяря Шуфтонь Дракононь киза, сянгяря тюссь лувондови аф удалафокс тя кизоня шачфненди.