Кизонь кофнень республиканьконь столицасонза ётафтовихть лидерствань Национальнай школать мероприятиянза.
Синь программасна водендаф асу од ломаттнень мушендомаснонды, конат ванфнесазь и кемокснесазь межнациональнай соткснень, няфнихть Россиянь нароттнень ёткса кеме ялгаксшинь кепотькс.
Лятфтасаськ, «Российскяй Федерациянь Финно-угорскяй нароттнень ассоциациясна» общероссийскяй общественнай движениясь Национальносттнень тевснон коряс федеральнай агентствать ширень кирдеманц вельде тяддень февральста азсь лидерствань Национальнай школаса участиянь примаманкса конкурснай отборть ушедовоманц колга. Участия конкурсса ули кода примамс Россиянь граждаттненди, финно-угорскяй кялень семьянь представительхненди. Заявкатне примавихть 2024 кизонь 30 апрельти молемс.
Саранскяйса ётафтовихть лидерствань Национальнай школань мероприятиятнень рамкаса предварительнай итокне. Арьсефт специальнай тренинкт, межнациональнай сотксонь сфераса важнай кизефкснень коряс тонафнемань семинархт.
Итогонь тиемать и каземать арьсеф ётафтомс 2024 кизонь сентябрьста-октябрьста.
Сяда лама ули кода содамс Россиянь Финно-угорскяй нароттнень ассоциацияснон сайтсонза тяфтама адресс коре: https://afurf.ru/.