Народнай приметат

Кода Од кизоть васьфтьсак, стане и ётафтсак
Од кизонь карша ломаттне ёрайхть путомс пе ушетф сембе тефненди, тиемс итокт. Тяконь мархта эвондакшни надияма, што малаткшни кизоня сембось ладяви цебярьста, кармайхть улема од сатфкст. Минь арьсетяма тянь колга и ётафнесаськ сонь эряфс.
Од кизоня шава зепце, марнек кизоть ётафтсак ашушиса
Тя, конешна, аф содаф киндивок. Вдь ашу ломанти фалу ули кода мумс ярмаку васта, получамс лезкс или наследства. Тя стане жа ащи павазушить эзда, но сембе сяка, Од кизонь веня путода зепозонт «оцю» ярмаконя.
Кда илань шра лангс путомс лама ярхцамбяль и симомбяль, кизоньберьф кармат эряма козяста
Тя тяфта. Кда ули ярмак, кочкат козя шра. Путат лама танцтиня и кизотьке ётафтсак козяста. А ашу ломанти Од кизонди лама питни ярхцамбяль аф рамави.