Сообщение КРЫМСКЯЙ ОПЕРАЦИЯСЬ появились сначала на Мокшень Правда.
]]>8 апрельста 4-це Украинскяй фронтонь войскатне 8-це воздушнай армиять и Черноморскяй флотть авиацияснон лезксснон вельде ётасть наступленияс. 2-це гвардейскяй армиясь сявозе Армянск ошть, а 51-це армиясь лиссь противникть перекопскяй группировканц флангозонза, кона ушедсь потама. 10-11 апрельста веть наступленияс тусь Приморскяй армиясь, конанди лезнесть 4-це воздушнай армиянь и Черноморскяй флотонь авиациятне. Шобдава миннетне сявозь Керчть. 51-це армиянь 19-це танковай корпуссь сявозе Джанкойть, мезсь кошардозе противникть потамс. Виияфтомок наступлениять, 15-16 апрельста советскяй войскатне лиссть Севастопольти.
35 СУТКА
7 майста 10 частста 30 минутаста фронтонь марнек авиациять лезксонц вельде советскяй войскатне ушедозь Севастопольскяй укреплённай районть генеральнай штурмонц. Фронтть главнай ударнай группировканц войсканза 9 вайгяльбень участкаса сязезь врагть оборонанц и вишке тюремада меле сявозь Сапун-пандть. 9 майста фронтонь войскатне Северть, Востокть ширде и Юго-востокста сувасть Севастополи и нолдазь ошть воляс. 17-це немецкяй армиянь лятксне, конатнень мельге панць 19-це танковай корпуссь, потасть Херсонес мысти, коса и тапафтольхть. Пленц сявфтольхть противниконь 21 тёжянь солдат и офицер, лама техника и вооружения.
12 майста Крымскяй наступательнай операциясь шумордавсь. Советскяй войскатненди эрявсь аньцек 35 сутка, штоба машфтомс Крымса противникть вии укреплениянзон и араламс эздонза пцтай марнек полуостровть.
Крымскяй операциять пингста врагть мекольце оцю плацдармац, кона пельксоль Украинаса Правобережнай фронттненди, машфтфоль. Вете шиста воляс нолдафоль Черноморскяй флотть главнай базац—Севастопольсь и тифтольхть условият, штоба мольфтемс наступлениять сяда тов—Балкаттненди.
Сообщение КРЫМСКЯЙ ОПЕРАЦИЯСЬ появились сначала на Мокшень Правда.
]]>Сообщение ШАБАТНЕ—ВОЙНАТЬ КОЛГА появились сначала на Мокшень Правда.
]]>Сообщение ШАБАТНЕ—ВОЙНАТЬ КОЛГА появились сначала на Мокшень Правда.
]]>Сообщение ПАНЧФТ МЕМОРИАЛЬНАЙ ДОСКАТ появились сначала на Мокшень Правда.
]]>Тя шиня школаса ламоль инжида. Митингть панжезь учительхне Н.А.Пиксаева и Т.А.Маскайкина. Кайгсь Гимнась. Российскяй Федерациянь Флагть кеподемс правась максфоль 10-це классонь тонафнити Ульяна Мартышкинати.
Меле корхтась СВО-нь участниксь К.Корнийчук, кона аф кунара сась СВО-ста.
Шачсь сон Крымонь Саки ошса. Пяк рана лядсь тядяфтома-аляфтома. Касфтозь атянц мархта бабац, конат эрясть Крымонь Сакскяй райононь Червоное велеса. Крымса аделась средняй школа, меле тонафнесь Днепропетровскяйса институтса, МВД-нь академияса. 2014 кизоста сявомок Луганскяй и Донецкяй Народнай Республикатнень территорияса военнай действиянь участник. 2022 кизоста сявомок «Крым» штурмовой батальонца разведчик, взводонь командир, отрядонь командиронь заместитель. Казьф Мужествань орденца, «Возвращение Крыма», «За мужество и доблесть» медальхнень мархта. К.Корнийчук школаса тонафнихненди, велень од ломаттненди мярьгсь лац тонафнемс историять, аф кулхцонкшнемс странаньконь эса рдазса валондыхнень.
Мемориальнай доскатнень панжезь В.В.Вергасовонь тядяц, Людмила Николаевна, Н.Е.Мустайкинонь рьвац, Татьяна Андреевна, Ю.И.Алёшкинонь сазороц, Наталья Ивановна. Панжемань церемонияса примасть участия Атюрьевскяй райононь оцюнясь С.Е.Ермолаев, СВО-нь участниксь К.Корнийчук, Луганскяень больницянь хирургическяй отделениянь «милосердиянь сестрась» Н.П.Александрова и лиятне.
Школать омбоце этажсонза панчф «Героень парта». Инжихне ванозь школань историко-краеведческяй музейть. Цебярь экскурсия анокласть музейть заведующаец Н.Н.Сиркина, школань директорсь Н.И.Бурнашкин, завучне С.И.Чумарова, Н.А.Пиксаева. Школаса тонафнихне и учительхне стихса и мороса лятфнезь эсь атяснон-щятяснон, конат тюрсть фашисттнень каршес, СВО-нь геройхнень.
Крхтаж велень поселениянь Оброчнай велеса 9 Майста панчф Великай Отечественнай войнаса шавфненди обелиск.
Илья ВЕШКИН.
Фототне авторть.
Сообщение ПАНЧФТ МЕМОРИАЛЬНАЙ ДОСКАТ появились сначала на Мокшень Правда.
]]>Сообщение Студенттне няфтсть концерт появились сначала на Мокшень Правда.
]]>Сообщение Студенттне няфтсть концерт появились сначала на Мокшень Правда.
]]>Сообщение Степан Эрьзянь колга фильма появились сначала на Мокшень Правда.
]]>Сообщение Степан Эрьзянь колга фильма появились сначала на Мокшень Правда.
]]>Сообщение «Бессмертнай автополксь»—Саранскяень ульцятнень эзга появились сначала на Мокшень Правда.
]]>Сообщение «Бессмертнай автополксь»—Саранскяень ульцятнень эзга появились сначала на Мокшень Правда.
]]>Сообщение Мордовиясь васьфтезе Великай Сяськомань 79-це тундать появились сначала на Мокшень Правда.
]]>Митингс-реквиемс пуромкшнесь пцтай 15 тёжянь ломань. Почётнай васттнень, кода фалу, занязь ветераттне. Мархтост ряцок Вечнай толть ваксса озсефтольхть специальнай военнай операциянь участникне, синь мала и радня ломаньцна. Митингса-реквиемса примасть участия МР-нь Оцюнясь Артём Здунов, Мордовиянь Госсобраниять Председателец Владимир Чибиркин, МР-нь Правительствать Председателец Дмитрий Поздняков, МР-ть эзга главнай федеральнай инспекторсь Анатолий Гулин, МР-нь Оцюнять и МР-нь Правительствать Администрацияснон руководителец Булат Хайрутдинов, Саранск ошень мэрсь Игорь Асабин, Саранскяй и Мордовскяй митрополитсь Зиновий.
—Тячи великай, священнай ши, кона эздонк эрть седисонза. Ня шитнень минь эсь лацоннекс марьсесаськ фкя-фкянди роднойкс улеманьконь, тячи минь—фкя оцю семья. Сяськомань Шись пуропнесыне марс сембе поколениятнень, конат ванфнесазь мялямть аляньконь, атяньконь, атянь-атяньконь колга, конат аралазь Россиять воляшинц, лоткафтозь историясонк сембода пелькс врагть. Кельгома ветератт! Сюконятама теенть карксэземга! Ужяленди, мирсь, кона аралаф фашизмать эзда, ашезе сяв мяльс «кяжи» урокть. Ламоц странатне тяряфнихть лиякс сёрмадомс видешить, арьсемс од геройхть, кяшемс эсь историястост «аф удалаф» страницатнень. Но минь аф васькафтофтама! Тя историясь тяштьф атяньконь и аляньконь верснон мархта. А сяс тячи синь уноксна и идень уноксна тага стясть Родинать аралама. Минь тюрьхтяма историческяй видешить, питнишиньконь, атяньконь-бабаньконь колга мялямть, странаньконь сай пингонц, марнек русскяй мирть инкса. Великай Отечественнай войнада меле нинге вестевок фашизмась ашезе кепсе прянц тяфтама панжадоста и наглайста. Но Россиять новейшай историясонза миньге нинге ашеме уле тяфтама виикс и марса кирдикс. Минь фкя странаньке, фкя Президентоньке и Сяськоманьке—сембонди фкя! Кода и эста, ичкоздень 40-це кизотнень, тяни геройхнень пингсна. Доброволецне тага тушендыхть фронту. Минь лац содасаськ синь—тя минь ялганьке, мархтонк фкя класса тонафнихне, покоди ялганьке, мала ломаненьке. Прважсесаськ синь марса и марса васьфнесаськ геройкс—кой-коста, ужяленди, куломдост меле. Тячи тясот радня ломаньцна сятнень, кинь минь юмафтоськ. Сембе пингонь мяляфтома героеньконди и карксэземга сюконяма сятненди, кие синь касфтозень. Тя минь воиноньке, конатнень инкса марятама гордость, конатнень ширеснон кирнесы марнек Мордовиясь, марнек странаньке. Эрь-кодама кизоса и профессиянь тёжятть ломанць, бизнесоньке фалу кочксихть лезкс передовойти. Минь враченьке, правоохранительнай органоньке, госслужащайхне, строительхне, священнослужительхне най улендихть региоттнень эса, коса тяни стака оперативнай обстановкась,—мярьгсь Артём Здунов.
А меле сон пшкядсь од ломаттненди: «Теенть, кельгома стирьхть и цёрат, сави ванфтомс Великай Сяськомать колга мялямть. Атяньке и атянь-атяньке кадсть тейнек мир и воляши, и минь араласаськ странаньконь любой пелькста. А сяс верондан, што эздонт эрти, тинь уноконтенди и идень уноконтенди 9 Майсь фалу ули главнай илакс».
Сяльде Мордовиянь Оцюнясь макссь государственнай оцю казне. Российскяй Федерациянь Президентть Указонц мархта отваганкса, эсь прянь аф ужяльдеманкса и мужестванкса, конат няфтьфтольхть Отечествать и Российскяй Федерациять государственнай интересонзон араламста, Жуковонь медалец максф Николай Тазинонди—Зубово-Полянскяй районцта специальнай военнай операциянь участникти.
Великай Сяськомань илать мархта пуромфнень поздравляндазень СВО-нь участниксь Сергей Шаев.
—Атяньконь подвигсна ащи достойнай кепотьксокс тейне и Отечествань тячиень сембе аралайхненди,—мярьгсь сон.—Улемок передовойса, мон и лия боецне эрь минутать шарьхкотькшнесаськ, што аралакшнесаськ великай странаньконь суверенитетонц. Сяс мес тейнек Отечествась—тя минь тядяньке, рьвяньке, шабаньке, кинь сетьме удомаснон карматама ванфнемонза ся пингс, мзярс шавихть седиеньке.
Тяда меле путфтольхть панчфт Великай Отечественнай войнань кизотнень шавф воиттненди—республикаса шачфненди-касфненди лемтьф монументти. Сят, кит ашесть мрда тюремань паксятнень лангста, лятфтафтольхть минута кашт аф молезь ащезь.
Лятфтасаськ, Великай Отечественнай войнать пингста фронту республикастонк тусь 246 тёжянь ломань, пялесна ашесть мрда…
Митингть-реквиемть шумордамда меле Сяськомань площадьса ульсь Парад. Торжественнай маршса ётасть военнослужащаень, МЧС-нь и Росгвардиянь параднай расчёттне, кадеттне и юнармеецне. Мекольцекс площадть эзга аськолясть парадонь инь ёмла участникне—идень садонь воспитанникне.
Панчфт тя шиня стане жа путфтольхть Мемориальнай калмалангса «Скорбящая мать» мемориалти. Саранскяень госпитальхнень эса шавфне лятфтафтольхть минута кашт аф молезь ащезь. Войнань сембе участникнень лемс служафоль церковнай панихида.
9 майста Саранскяйса ётафтфоль пяк лама мероприятия: акцият, мастер-класст, выставкат, концертт и стак тов. Шиньберьф ошть вельхксса кайгсть музыка, войнань и тяниень пингонь морот, конат пачфнихть Великай Отечественнай войнань кизотнень народоньконь подвигонц колга.
Ольга ЕВДОКИМОВА.
Сообщение Мордовиясь васьфтезе Великай Сяськомань 79-це тундать появились сначала на Мокшень Правда.
]]>Сообщение ШАБАТНЕ—ВОЙНАТЬ КОЛГА появились сначала на Мокшень Правда.
]]>Сообщение ШАБАТНЕ—ВОЙНАТЬ КОЛГА появились сначала на Мокшень Правда.
]]>Сообщение ПАНЧФТ МЕМОРИАЛЬНАЙ ДОСКАТ появились сначала на Мокшень Правда.
]]>Тя шиня школаса ламоль инжида. Митингть панжезь учительхне Н.А.Пиксаева и Т.А.Маскайкина. Кайгсь Гимнась. Российскяй Федерациянь Флагть кеподемс правась максфоль 10-це классонь тонафнити Ульяна Мартышкинати.
Меле корхтась СВО-нь участниксь К.Корнийчук, кона аф кунара сась СВО-ста.
Шачсь сон Крымонь Саки ошса. Пяк рана лядсь тядяфтома-аляфтома. Касфтозь атянц мархта бабац, конат эрясть Крымонь Сакскяй райононь Червоное велеса. Крымса аделась средняй школа, меле тонафнесь Днепропетровскяйса институтса, МВД-нь академияса. 2014 кизоста сявомок Луганскяй и Донецкяй Народнай Республикатнень территорияса военнай действиянь участник. 2022 кизоста сявомок «Крым» штурмовой батальонца разведчик, взводонь командир, отрядонь командиронь заместитель. Казьф Мужествань орденца, «Возвращение Крыма», «За мужество и доблесть» медальхнень мархта. К.Корнийчук школаса тонафнихненди, велень од ломаттненди мярьгсь лац тонафнемс историять, аф кулхцонкшнемс странаньконь эса рдазса валондыхнень.
Мемориальнай доскатнень панжезь В.В.Вергасовонь тядяц, Людмила Николаевна, Н.Е.Мустайкинонь рьвац, Татьяна Андреевна, Ю.И.Алёшкинонь сазороц, Наталья Ивановна. Панжемань церемонияса примасть участия Атюрьевскяй райононь оцюнясь С.Е.Ермолаев, СВО-нь участниксь К.Корнийчук, Луганскяень больницянь хирургическяй отделениянь «милосердиянь сестрась» Н.П.Александрова и лиятне.
Школать омбоце этажсонза панчф «Героень парта». Инжихне ванозь школань историко-краеведческяй музейть. Цебярь экскурсия анокласть музейть заведующаец Н.Н.Сиркина, школань директорсь Н.И.Бурнашкин, завучне С.И.Чумарова, Н.А.Пиксаева. Школаса тонафнихне и учительхне стихса и мороса лятфнезь эсь атяснон-щятяснон, конат тюрсть фашисттнень каршес, СВО-нь геройхнень.
Крхтаж велень поселениянь Оброчнай велеса 9 Майста панчф Великай Отечественнай войнаса шавфненди обелиск.
Илья ВЕШКИН.
Фототне авторть.
Сообщение ПАНЧФТ МЕМОРИАЛЬНАЙ ДОСКАТ появились сначала на Мокшень Правда.
]]>Сообщение Мокшавась Ираида Радаева и сонь аканза-сазоронза появились сначала на Мокшень Правда.
]]>Кадошкинскяй райононь Адаж велеса улемстонк сувсеме тястонь мокшавать Ираида Радаевать ширес. И эрявсь вдь тяфта угадямс, што тя пингть Ираида Ивановнанди инжикс сашендсть сонь аканза и сазоронза. Пара ульсь мялезонк, вдь повоме мокшень кялень, коень кельги и ванфты ломаттнень ёткс. Ираида Ивановна васьфтемазь пяк лац, сяс курокста араме содафокс и эсь, и радня ломанензон мархта.
Акатне-сазорхне Петуроватне шачсть лама идень семьяса. Тядясна, Софья Дмитриевна, и алясна, Иван Михайлович, касфтсть кота стирьхть и колма цёрат. Мирттне-рьвятне Петурофне—кафцьке Адаженнет, эряфоньберьф эрясть шачема велеса, покодсть виень аф ужяльдезь. Сембе шабасна арасть шнама ломанькс. Ужяль, пингта инголе эряфста тусь Петурофнень цёрасна Пётр Иванович.
Тяни ниле акатне-сазорхне и кафта браттне эряйхть Адажса, а кафта акатне-сазорхне—Кадошкинаса.
Тячи оцю мяльса азонттама колгаст.
Петурофнень оцю стирьсна—Раиса Шичкина лама киза работась траксонь потьникс велень колхозса. Жуватань мельге якайкс ульсь Раиса Ивановнань сазороц Лидия Шиндякова. А траксонь потьнемась, вазнянь мельге якамась—тефне аф тёждятнень эзда. Тияк эрявсь кенеремс кудонь тефнень мархтовок. И синь сембоса сафнезь. Кафцьке мокшаватне—лама идень тядят.
Валентина Ивановна пекарнянь заведующаель. Адажень пекарнясь оцюволь. Кши усксевсь и шабра велетненди. Пенсияс Валентина Самсонова тусь дояркань вастста. Траксонь потьнема сон ушедсь пекарнять пякстамдонза меле. Ули кода азомс, што Раиса Шичкина, Лидия Шиндякова, Валентина Самсонова эряфснон лемдезь Адажти, колхозти, жуватань касфнемати. Синь мокшават-труженицат, а нинге—пара вайме, родной кялень, коень-обуцянь ванфты ломатть.
Ираида Радаева школать шумордамдонза меле ушедсь работама колхозса, поступась Краснослободскяень велень хозяйствань техникуму, кочкамок агрономонь профессиять. Меле тонафнеманц поладозе Н.П.Огарёвонь лемса Мордовскяй государственнай университетонь экономическяй факультетса.
Мрдамок Адажу, аф ламос покодсь агрономкс, а целайнек эряфонц оцю пяльксоц—комозьда лама киза—сотф экономистонь тевть мархта. 1995 кизоня Ираида Ивановна ётась велень Совету бухгалтеркс. И тясовок сембоса сафтозе, сяс мес тевонц тиендезе маштозь, оцю ответственностень марязь. Эрь вастса тяфта работама, а кда сон сотф бухгалтериять мархта, коса аф ся вастти путф фкя цифранясь вяти оцю эльбятьксти—сядовок. Ираида Ивановна тянь лац шарьхкотькшнезе, сяс и работанц результатонза фалу кеняртьфнесть.
Ломаттневок няезь цебярь специалистть виень аф ужяльдезь трудендаманц. Пингонь ётазь Ираида Радаевать кочказь Адаж велень поселениянь оцюнякс. Кемонь кизот мокшавась покодсь тя вастса. Самай эста показательхнень пяшкодемаснон инкса эрявсь работамс населениять мархта, конань кядьста кочксевсь лофца, сиволь. Лама тифоль Адажу газть ётафтомстонза. Тяфтама ломаттнень, кода Ираида Ивановнань, мархта корхнемста арьсезеват и саят мяльс: улема, аф пяк видет ся валхне, што аватне—лафча (рузкс азса «слабый пол») ломатть. Кда улель тяфта афкукс, афоль сафтов тейнек мезьсовок. Сембось меколанкт: аватне (тяконь лувксса и мокшаватне) кодамовок тевда аф пелихть. Кда ни «веляфтозь» лафтуснон лангс «стака канксть»—тевть, то аф ёрдасазь сонь, а кандсазь коза эряви. И тисазь тянь апак пеняцяк.
Ираида Радаевась главнай бухгалтероль Кадошкинаса социальнай защитань отделса, коста и тусь пенсияс. Работанц поладозе сяда тов, но стакаста сярятькстсь мирдец Николай Митрофанович, сяс работанц савсь кадомс. Но эсь тевонь содай, асу эрь специалистти вешфкс ули фалу. Тяфта лиссь и мокшавать Ираида Ивановнань мархта. Адаж велень поселениянь оцюнякс ушедсь покодема Виталий Киселев, а мокшавать тердезь бухгалтеркс. Кафкса кизот сон тя вастсоль.
Мирденц мархта мокшавась шачфтсь-касфтсь колма шабат-стирьхть. Сембе синь кассть шнама ломанькс, музь вастснон эряфса. Инь оцюсь эздост, Галина, специальностьс коре журналист, аф фкя киза работась газетатнень эзда фкаса.
Журналистонь тевти эряфонц лемдезе и Петурофнень стирьсна Людмила Ивановна.
Людмила Ефимочкинать лемоц лац содаф Кадошкинскяй райононь эряйхненди—«Возрождение» газетать лувиензонды. Районнай газетать редакцияса сон работась 36 киза.
Браттне Петурофне—Михаил Иванович и Александр Иванович трактористтольхть. Синьге сотозь эряфснон ёмла родинать—Адажть мархта, коса эряйхть тянемс.
Кадошкинаса эряй Петурофнень нинге фкя стирьсна—Анна Попкова. Ужяленди, тя шиня сон ашель Ираида Ивановнань ширеса.
Азома сявок, што 2024 кизоня, эста нинге шисоль тядясна, Софья Дмитриевна, мокшень трудонь кельги тя семьясь чествовандафоль оцю сцена лангса. Петурофненди максфоль премия, лемозост азфоль лама лямбе вал.
Софья Дмитриевнань и Иван Михайловичень сембе идьсна кассть шнама ломанькс. Тяфтамкс касфтозь и эсь шабаснон. Пцтай сембонь тяни улихть уноксна, конат сашендыхть ширезост. Кда тяштемс колгаст и семьяснон квалма сяда келиста, аф шта газетань лопанясь аф саты, а журналу несколька очерк лиси. Сяс, пингонь ётазь, мрдатама Петурофнень идьснонды, а тячи мяленьке нинге весть азомс, што синь—мокшень кялень кельги и ванфты ломатть. Сембе акатнень-сазорхнень мазыхть вайгяльсна, мокшаватне содайхть мокшэрзянь аф кржа мора.
Лама анокт азондомс Адажень мокшаватнень национальнай щамснон-карямснон колга. Тяфтама нарядоц ули и Ираида Ивановнань. Мокшавась—«Чивгокскя» велень фольклорнай ансамбльть руководителец. Коллективсь, теенза колмогемонть малава киза, примси участия велень и райононь сембе илатнень эса, «Шумбрат, Мордовия!» Народнай творчествань республиканскяй фестивальса. Ломаттне оцю мяльса кулхцонкшнесазь «Чивгокскять» моронзон, а нинге—ванондсазь мокшаватнень-баяраватнень (эздост тяни вейхкса ломатть) мазы щамснон.
Монга эняльдень Ираида Радаевати щамс-карямс мокшавакс и азондомс Адажень нарядть колга. И сон тянь тиезе оцю мяльса. Да нинге кода! Васенда моразе «Роман Аксясь» содаф мороть, а аканза-сазоронза лездсть теенза.
Адажень мокшавать щамоц пяк мазы. Мезьста сон ащи? Вал макстама Ираида Ивановнанди.
«Ушедсаськ вярде. Мокшавась прязонза соты шуваня руцяня. Мезенди? Улема, штоба оцю руцясь афоль ливоськода и афольхть ола панчфонза. Оцю руцять ланга сотома ашкотф—ожнаста тиф мазоптомбяль. Сяда тов моли панарсь, перьфканза сотовихть каркс пети сёконят. Панарть ланга щашендови сапонясь. Сапоняда меле—баяравань крганясь, лапаскясь—сяда ёмла мазоптомбяльсь и, конешна, повфневихть крганят. Мокшаватнень пильгса кеме цюлкат, кямот»,—азондсь сон.
Но, конешна, тяфтама щамть эрявсь няемс эстейть. Конашкава мазыхть и келихть панарть петьксонза! Сельмоце аф явфтови баяравань крганять эзда!
Лама лятфнемада акатне-сазорхне Петуроватне пачфтсть тядяснон, Софья Дмитриевнань колга, кона асу ломанель авань кядьтевса. Котцесь котфт, сташендсь мокшавань панархт, сёрматкшнезень синь сюреса. И тиендезе тянь шра лангонь лампать валдонц вельде, сяс мес тол ся пингть куттнень эса ашель. И кенерькшнесь мокшавась! Траксонь потьникс работась, вейхкса итть касфтсь, кудонь тевса заняфоль, да нинге кодась и сюреса сёрмадсь.
Акатне-сазорхне аф прянь шнафтомга азозь: пцтай синь сембонь улихть мокшавань щамсна, а кой-кит мокшень кямоснонга ванфтозь! Кие тя тевса шарьхкоди, эстокиге талакоды: тяфтама пильгс щаматне васьфневихть тячиень эряфсонк пяк и пяк шуроста.
Ираида Радаевать ширеса улеме васенцеда, оцю мяльса содафтоме сонь и аканзон-сазоронзон мархта. И няеськ, конашка мяль Петурофнень идьсна шарфнихть семьянь питнишитненди, конашкава малат синь фкя-фкянди. Касомок лама идень семьяса, мокшень ня ломаттне эряфоньберьф васенце вастти путнесазь фкя-фкянь шарьхкодемать, фкя-фкянди лездомать. Синь мзярдовок ашесть панце оцю ярмаконь мельге, виень аф ужяльдезь покодсть шачема велеса—Адажса. И мзярдовок киндивок ашесть пеняця эряфснон лангс! Вов и тейнек мярьгсть: «Шумбратама и пара! Мезе нинге эряви?»
Арьсетяма акатненди-сазорхненди и синь мала ломаньцнонды кемодонга кеме шумбраши!
Татьяна АЛЬШИНА.
Фототне Николай КАРАНОВОНЬ.
Сообщение Мокшавась Ираида Радаева и сонь аканза-сазоронза появились сначала на Мокшень Правда.
]]>